Faleminderit Kadare per nderin qe i ben kultures dhe kombit shqiptar

-A do te ishte mire qe institucionet kompetente ne S hqiperi dhe Kosove 27 Qershorin (ose diten qe Kadare te marre Cmimin Nobel) ta deklarojne zyrtarisht si Dita e Kadarese? -Le te festojme te gjithe ne shqiptaret me 27 Qershor.

Dhenia e cmimit letrar Man Booker International kolosit te kultures sone kombetare Ismail Kadare eshte padyshim nje vleresim i madh i krijimtarise unikale Kadareane, e cila prej dekadash ka hyre ne thesarin e letersise me te mire boterore. Edhe pse ende kjo krijimtari pret te marre ate vleresim qe i takon prej vitesh, pra Cmimin NOBEL. Cmimi per Kadarene eshte edhe nje nder e krenari per Kombin Shqiptar dhe per vete Ballkanin e trazuar e namekeq. Sic e tha shume bukur vete Kadare, pas ketij cmimi shpresojme se opinioni boteror do te kuptoje se Ballkani mund te jete edhe burim lajmesh per suksese ne art, letersi dhe civilizim. Shqiperia ne vecanti dhe Ballkani ne pergjithesi kane nevoje per me shume lajme te mira. Ne shqiptaret kudo qe jemi: ne Shqiperi, Kosove, Mal te Zi, Maqedoni, Amerike, Itali, Gjermani, Greqi, Angli e vende te tjera te botes kemi rastin qe rralle mund te na jepet: 27 Qershorin 2005, diten e ceremonise kur Kadarese do t'i jepet cmimi Man Booker International ne duhet ta shndrrojme ne nje dite Feste Kombetare. Mbase do te ishte mire qe institucionet kompetente ne Shqiperi dhe Kosove 27 Qershorin (ose diten qe Kadare te marre Cmimin Nobel) ta deklarojne zyrtarisht si Dita e Kadarese. Kjo dite meriton te nderohet separi nga gjithe krijuesit shqiptare, Lidhja e Shkrimtareve dhe Artisteve dhe shoqata te tjera te krijuesve. Kjo dite duhet te nderohet nga gjithe ne lexuesit shqiptare te Kadarese, qe pas autorit, jemi te paret qe duhet te gezohemi per vleresimin qe i behet shkrimtarit tone me te dashur me veprat e te cilit u rritem dhe shplodhem shpirtin edhe ne momentet me te veshtira.

27 Qershori 2005 duhet te nderohet edhe nga gjithe politikanet e pushtetaret shqiptare
, sidomos ne Shqiperi e Kosove. Kjo dite mund te jete edhe nje rast i mire per politikanet ne Shqiperi qe jane te perfshire nga ethet e zgjedhjeve te 3 Korrikut. Ne kete dite te shenuar politikanet ne Shqiperi bejne mire ta nderpresin fushaten elektorale dhe te festojne me te gjithe te tjeret. Edhe ata duhet te inkurajohen nga vleresimi qe iu be Kadarese. Asgje nuk do humbasin nese nuk bejne fushate nje dite: populli eshte i tejngopur me premtimet e tyre te deritashme. Le te kujtohen ata se interesat e Shqiperise duhet te jene imperativi i zgjedhjeve te 3 Korrikut. Me 3 Korrik 2005 le te marre edhe politika shqiptare mesefundi nje Cmim Nderi: Vleresimin Nderkombetar qe Zgjedhjet ishin Vertete te Lira e te Ndershme, ne Perputhje me Standartet e Demokracise Perendimore. A nuk do ishte dhe ky nje lajm i mire qe i jepet botes nga Shqiperia namekeqe? Vecse politikanet nuk duhet te abuzojne me emrin e Kadarese per te fituar kapital politik. Jam i bindur se vete Kadare, ashtu si ne lexuesit e tij shqiptare, nuk do ta pranononte nje gje te tille. Mendoj se eshte nje rast i mrekullueshem per Dipllomacine shqiptare me 27 Qershor dhe ne vijim t'i bejne jehone ketij momenti madhor per te propaganduar letersine dhe kulturen tone kombetare dhe per te permiresuar imazhin e Shqiperise e te shqiptareve ne bote. Qeveria shqiptare duhet t'u jape ambasadave tona neper bote fonde te vecanta per te te organizuar aktivitete te posacme per kete qellim me pjesemarrjen e sa me shume personaliteteve te huaja te letersise, kultures, artit, politikes dhe fushave te tjera ne vendet ku ambasadat tona veprojne. Ambasadat tona duhet te punojne me me zgjuarsi e perkushtim per te bere te njohura ne bote arritjet e letersise, artit, kultures dhe studimeve shqiptare. Dhe nuk ka rast me te mire per ta bere kete se sa ky moment i dhenies se cmimit Man Booker InternationalKadarese. Per te kuptuar se sa rol luan letersia ne njohjen dhe miqesine mes popujve mbase eshte vendi te permend ne kete shkrim edhe nje moment te perjetuar kur isha student ne Shkollen e Ligjit ne Universitetin e Bostonit (1997-1998). Ne programin qe une beja per Master Degree per Ligjin Amerikan kishte edhe avokate, gjyqtare e studente nga shume shtete te botes. Ishte edhe nje gjyqtare nga Greqia. Kur na binte rasti te diskutonim seicili per vendin e tij, une do te permendja se Nene Tereza eshte shqiptare dhe se shkrimtari i mirenjohur ne Europe e me gjere, kandidati per Cmimin Nobel, Ismail Kadare, eshte shqiptar. Ishte befasuese per mua kur gjyqtarja greke filloi te fliste me aq pasion per Kadarene dhe te permende me saktesi titujt e librave te Kadarese qe ajo i kishte lexuar. Ne vazhdim ajo tha se Kadare eshte nje shqiptar dhe shkrimtar i madh. Ai eshte shkrimtari im me i preferuar dhe enderroj qe te kem rastin ta takoj edhe personalisht Kadarene- vazhdoi diskutimin ajo. Ishte nje kenaqesi e krenari e madhe te degjoje nje gjyqtare greke te fliste aq mire per nje shkrimtar shqiptar dhe per letersine shqipe para nje auditori nderkombtar. Ja pra sa ura miqesie me popujt e tjere na ofron vepra Kadareane! Cmimi Man Booker International i forcon dhe zgjeron edhe me tej keto ura. Vecse ne shqiptaret duhet te dime t'i perdorim me mencuri e civilizim keto shanse, keto ura dhe jo t'i shkaterrojme ato. Edhe studentet shqiptare neper bote, imigrantet shqiptare dhe shoqatat e tyre te shumta kane nje rast te rralle qe t'i bejne jehone kultures sone kombetare dhe te vene ne pah dhe te krenohen me faktin se Ismail Kadare eshte shqiptar. Pra me 27 Qershor 2005 imigrantet shqiptar ne bote do jete mire te gjejne menyrat me te pershtatshme per te festuar. Gjithashtu une shpresoj qe ky eveniment i madh do te ndryshoje per mire edhe ata qe kane shkruar kunder Kadarese, kushdoqofshin keta. Edhe ata duhet te behen pjese e pandashme e gezimit qe na jep sidomos ne shqiptareve nje moment i tille. Ata duhet te bejne edhe dicka me shume se kaq: te behen dashamires te Kadarese dhe t'ia lene se kaluares inatet, pakenaqesite, dashakeqesite. Ata kete vit duhet te japin kontributin e tyre pozitiv per te larguar mjegullen dhe paragjykimet qe kane ndikuar negativisht ne dhenien e Cmimit Nobel Kadarese. Kete vit te gjithe shqiptaret pa dallim , duke filluar nga Presidentet Moisiu e Rugova, nga Akademiku Rexhep Qosja dhe shkrimtari i mirenjohur Dritero Agolli, dhe te gjithe intelektualet e tjere shqiptare dhe shoqatat e organizimet e ndryshme te tyre, mendoj se kane nje detyrim moral: te bashkohen dhe te bejne ate qe u takon ne mbeshtetje te kandidatures se Kadarese per Cmimin Nobel, cmim qe padrejtesisht Kadarese i eshte vonuar prej shume vitesh. Krijimtaria e Kadarese eshte e permasave nobeliste, por mbeshtetja e institucioneve shqiptare dhe e shqiptareve per fat te keq pothuajse nuk ka ekzistuar. Dihet se miresia dhe jo ligesia e fisnikeron njeriun. Ne shqiptaret kemi nevoje te fisnikerojme vetveten dhe te duam njeri-tjetrin. Ne duhet ta duam e respektojme edhe me shume kolosin e kultures sone Ismail Kadare. Te shkruash sot kunder Kadarese eshte dicka e padenje, e pamoralshme dhe jokombetare. Asnje e mire, asnje perfitim nuk vjen nga shkrime te tilla. Dhe te jemi te sigurte qe shkrime te tilla nuk do te arrijne kurre te zbehin madheshtine e krijimtarise se Kadarese. Ne shqiptaret duhet te jemi me fisnik e me dashamires me Kadarene dhe t'i jemi perjete mirenjohes per Nderin dhe Krenarine qe Ai i jep Kombit Shqiptar.Dhe le te bashkohemi te gjithe ne shqiptaret ne urimin qe 70 Vjetori i Lindjes se Kadarese (28 Janar 2006) te festohet me Kadarene Nobelist dhe me madheshti kombetare. Le ta mbyll kete shkrim me urimin qe del nga zemra: Faleminderit Kadare per Nderin qe i ben Kombit tone te Dashur! Te jemi mirenjohes qe na jep kenaqesine e rralle qe te krenohemi qe jemi shqiptar, bashkekombas te te madhit Kadare!

Zef Brozi U.S.A. 9 Qershor 2005


[] [ ]
[] [] []
[ ] [] []


EduWOW! [education_worldwide]